Te hono ki te whare pukapuka
Te Reo Māori
Kia ora, nau mai ki ngā āhuatanga mīharo katoa o tō whare pukapuka.
E pōhiri ana mātou i a koutou ko tō whānau ki te whakamahi i Ngā Kete Wānanga o Ōtautahi.
Kāore he utu o te hono ki te whare pukapuka mēnā kei te rohe o te Kaunihera o Ōtautahi koe e noho ana, e utu rēti ana rānei.
E hono ai koe ki te whare pukapuka me whai:
- Tohu tuakiri: tō uruwhenua, ētahi atu momo tuakiri e 2 rānei, otirā me whai whakaahua tētahi. Ki te hono mai tētahi tamaiti, me whai tohu tuakiri te matua / kaitiaki.
- Hāponotanga wāhi noho (kia kaua e tawhito ake i te 30 rā). He reta mai i tō pēke, kura, kamupene hiko, waea rānei. E whakaaetia ana hoki ngā tārua matihiko ō ēnei tuhinga.
Ngā herenga o te mematanga
Ko ngā kōrero i raro nei e whakahua ana i te kupu ‘mātou’, e kōrero ana mō Ngā Kete Wānanga o Ōtautahi (he wāhanga o te Kaunihera o Ōtautahi), ā, ko ngā kupu ‘ahau’, ‘koe’, ‘tō’ hoki, e kōrero ana mō te mema.
Kua hono ahau, taku tamaiti/aku tamariki hoki/rānei ki te whare pukapuka, ā, e whakaae ana ki ngā haepapa o te mino pukapuka.
E whakaae ana ahau ki:
- Ngā Herenga o te Mematanga. Ka panoni pea ēnei. Ka wātea ngā herenga kua whakahoungia ki tā mātou paetukutuku.
- Whakahokia ngā mea katoa ka minoa mai i te whare pukapuka i mua i te rā whakahoki, ā, me pai te āhua.
- Kōrero wawe mai ki a mātou mēnā ka ngaro, ka whānakohia rānei tō kāri, ka panoni rānei ō taipitopito whakapā.
- Utua ngā utu, ngā paremata, ngā utu whakakapi, ngā utu tukatuka me ngā utu kohi o tēnei pūkete.
- Te whakamahi umanga kohi nama hei kohi i ngā nama kāore i utua.
Tauākī Tūmataiti: He aha mātou e kohi nei i ō mōhiohio whaiaro?
Kia āhei koe ki te uru ki ngā ratonga a Ngā Kete Wānanga o Ōtautahi (he wāhanga o te Kaunihera o Ōtautahi).
Ka whakamahi mātou i ō mōhiohio whaiaro ki te whakapā atu ki a koe,
