Lewena na vale ni wili vola
Vosa Vakaviti
Kia ora ka o sa kidavaki ena veika talei e vakarautaka na nomu vale ni wilivola.
Keitou kidavaki iko kei na nomu matavuvale ena kena vakayagataki e dua vei ra na neitou vale ni wilivola e Christchurch.
E sega ni saumi nomu lewena na vale ni wilivola kevaka o vakaitikotiko ka saumi ivakacavacava ena dua na yasa i Christchurch.
Mo curu ena gadrevi na:
- Na ka e tukuni iko: nomu pasipote se 2 so tale na kemu itukutuku, e na gadrevi e dua e tiko vata kei na kemu itaba. Kevaka e via lewena e dua na gone, ena gadrevi na kena itukutuku na nona itubutubu/dau ni veisusu e vakadonui vakalawa.
- iVakadinadina ni vanua o vakaitikotiko kina (me kakua ni sivia e 30 na siga na kena dede). Oqo e rawa ni dua na ivola mai na nomu baqe, koronivuli, kabani ni livaliva se talevoni. E vakadonui talega na ilavelave ni vei ivola oqori e tabaki ena initaneti.
Veika e gadrevi mo mai lewena na vale ni wili vola
Na kena cavuti na “keitou” se “keimami” e kena ibalebale na Vale ni wilivola ni koro o Christchurch (E dua na tabana ena Matabose ni koro o Christchurch) kei na kena o “Au” so “iko” se “Nomu” e vakaibalebaletaki vua e lewena.
O au/ se o ira era vakararavi vei au keimami sa curu me keimami lewena na vale ni wili vola ka keimami sa ciqoma na itavi e baleta na veika keimami kerea.
Au sa vakadonuya:
- Na veika e gadrevi mo lewena na vale ni wili vola. Oqo e rawa ni veisau. E kunei ena website na kena veisau vou.
- Me vakasukai kece na veika e kerei mai na vale ni wili vola ena kena tikinisiga, ka daumaka na kena ituvaki.
- Tukuna vakatotolo vei keitou kevaka e sa yali na nomu kad se butakoci se kevaka e sa veisau na vanua o tiko kina.
- Sauma na veika e lavaki, vakacacani, isau ni kena isosomi, isau ni kena cakacakataki se kumuni.
- Na kena vakayagataki e dua na dau kumuna na dinau me kumuna mai na dinau e sa dede tu na kena sega ni saumi.
ITukutuku Vakamareqeti: Na cava keitou kumuna kina na kemu itukutuku?
Mo rawa kina ni vakayagataka na veiqaravi ni vei vale ni wili vola ni koro o Christchurch (e dua na tabana ena Matabose ni koro o Christchurch).
Keitou vakayagataka na kemu itukutuku me keitou veitaratara vei iko ena veika e baleta na nomu lewe ni vale ni wili vola ka vakasalataki iko talega ena veiqaravi kei na veika e vakayacora na Matabose. Na itukutuku oqo e rawa ni soli vua e dua na vakailesilesi ni Matabose kei na/ se dua na dau kumuni dinau me kumuna mai na dinau e sa sega tu ni saumi. Ena
rawa ni lavaki e dua na isau ni kena saumi na dinau.
O rawa ni raica na kemu itukutuku e tiko vei keitou ka rawa talega ni o kerea me veisau.
Kevaka o sega ni solia taucoko na itukutuku e gadrevi ena rawa ni sega ni vakadonui na nomu kerekere mo lewena.
Me baleta e so tale na kena itukutuku, raica na: my.christchurchcitylibraries.com
iTukutuku vei era se qai curu vou
- Kevaka e yali se butakoci na nomu kad ni vale ni wili vola, yalo vinaka mo tukuna mai vei keitou ena gauna totolo duadua e na nomu qirita na 03-941-7923, raica na neitou website
se lako ki na dua na vale ni wili vola e voleka vei iko. Yalovinaka mo tukuna vei keitou kevaka o sa toki ki na dua tale na vale se dua tale na veisau ena nomu qiri se lako ki na dua na vale ni wili vola voleka. - E rawa ni o vakayagataka na nomu kad ni vale ni wili vola ena dua ga na vale ni wili vola ena Matabose ni koro o Christchurch. E rawa ni vakasukai na ivola e kerea ki na dua ga vei ira na neitou vale ni wili vola.
- E levu na ivola e rawa ni kerei me 28 na siga. E rawa ni o tosoya vakadua ga na gauna o kerea kina vakavo kevaka e gadreva e dua tale. E rawa ni duidui na balavu ni gauna e kerei kina na veika tale e so. E sega ni saumi e vuqa na ka e vakarautaki raraba. E saumi na iVola taleitaki vakalevu, ivola e salavata kei na vosa, CD kei na vuqa na DVD.
- Kevaka o solia na nomu imeli, keitou na vakauta yani e dua na itukutuku ni veitataunaki ni vo e 3 na siga me vakasukai na ivola ka vaka ki na sa oti e 7 kei na 21 na siga. E sa na okati me sa yali na veika e kerei kevaka e sa sega ni vakasukai ni sa oti e 28 na siga mai na gauna e dodonu me suka mai kina ka sa na lavaki na kena isau vei iko ka o na sega tale ni rawa ni kauta e dua na ka se raica na initaneti. E sa na bokoci na isau ni kena vakaisosomitaki kei na kena cakacakataki e na gauna e ra sa vakasukai mai kina, ka o sa na rawa vakayagataka tale na veiqaravi e vakarautaki.
- E rawa ni o vakayagataka na nomu kad ni vale ni wili vola mo vakayagataka na initaneti (sega ni saumi). E rawa ni o vakayagataka na nomu iyaya ni mona vakalivaliva vakataki iko. E sega ni saumi na Wi-Fi ka sega talega ni gadrevi na kena vosa vuni.
Mo lewena tudei nai vale ni wili vola, yalovinaka mo rai ena: my.christchurchcitylibraries.com/conditions-of-membership/
Keitou nanamaki ena nomu veisiko o iko kei na nomu matavuvale ena dua vei ira na vale ni wili ivola ni koro o Christchurch.
